Oantal foto's fan Cairns

Prachtige loft. It liket krekt alsof it brânt achter de bergen, mar it is de undergeande sinne. Der binne  hjir en dêr wol boskbrânnen mar dan sjogge we allinne wat rook.

We binne 1 dei fuort west mei in tour. De tablelands yn. Prachtig gebied yn'e bergen, by Cairns mear it binnenlân yn. Der binne hiel soad wetterfallen!! :D

Wat we wol faker sjogge is dat se keale muorren moai opskildere hawwe. Al wie dizze muorre wol echt ien fan de toppers! Seker omdat der ek noch in Fryske ko op skildere stiet! 

Tidens de tour kamen we bij de grutste 'curtain fig tree'. It binne beammen dy yn elkoar op groeie en harren takken nei beneden groeie litte.

Tidens de tour hawwe we ek meardere kearen oan't swemmen west. It earste swimplak wie yn dit 'lake'. It wetter wie prachtig moai helder en lekker aangenaam waarm. Der stie allinne wol oeral in boerdsje dat der in krokodil siet wêr je foar oppasje moasten. Us tourguide fersekere ús dat alle plakken wêr we hjoed swemme soene 100% save wiene. De krokodil dy 't hjir destiids loslitten wie, wie  hiel ferlegen en wie gjin minske iter. Hy soe allinne fiskjes en soksoat guod ite. We ha lekker swommen wyls je dochs skerp om je hinne sjen bliuwe! Hielendal doe't we der mei syn 10 yn leine en der 5 meter fierderop ynienen nuvere golven en bubbels nei boppe kamen. Wat bleek, der wie in dûker, dy net boppe kaam en ús dochs aardig de skrik yn't liif joech.

By de swimpool yn Cairns kamen ynienen sa'n 40 jongens yn uniform fan skoalle oansetten. In hiele ynfaasje. Warskynlik hiene se gymnastiek ofsa en mochten se efkes swemme. Efkes letter in groep fruolje, yn in oar uniform. Syb fertelde my dat hjir famkes en jonges skoallen binne, ha ik ek wer wat leard!

De skieding tusken strân en swimmingpool. Op it filmke fertel ik wêrom der gjin kop op it strân leit.

Dochs in moai plaatsje. Us auto yn'e jungle.

Tidens in bezoekje oan de botanic garden en rainforrest fan Cairns kamen we ek in bamboebosk tsjin! gigantysk grut!

It hat efkes dreech west om him op'e camera te krijen. Want hy fleach hieltyd fuort! mar we hawwe in dragon lizard sjoen!

Dit binne noch mar HIELE lytse. Mar hjir en dêr binne gebieden mei allerhande 'bulten' yn't lân. It binne grauwe mierehopen. We hawwe se letter sjoen dy't folle grutter wiene, dan wiene it krekt olifantekonten sa grut!